ಇಂದೋರ್: ಇಂದು ವಿಧಾನಸಭೆಯ ಮಾತನಾದ ಇಂದು ಆರಂಭವಾಗಿದ್ದು, ಮತದಾನ ಮಾಡಿದ ನಂತರ ಮತದಾರ ಕೃತಕ ಬುದ್ಧಿಮತ್ತೆ(AI) ಕ್ಯಾಮೆರಾದ ಸಹಾಯದಿಂದ ‘ಇಂಕ್ಡ್ ಫಿಂಗರ್’ ಸೆಲ್ಫಿ ತೆಗೆದುಕೊಳ್ಳುವ “ಸ್ಮಾರ್ಟ್” ಪೋಲಿಂಗ್ ಸ್ಟೇಷನ್ ಮಧ್ಯಪ್ರದೇಶದ ಇಂದೋರ್‌ನಲ್ಲಿ ಸ್ಥಾಪಿಸಲಾಗಿದೆ.
ವಿಧಾನಸಭಾ ಕ್ಷೇತ್ರ ಸಂಖ್ಯೆ 2 ರ ನಂದಾ ನಗರದ ಮಾ ಕನಕೇಶ್ವರಿ ದೇವಿ ಸರ್ಕಾರಿ ಕಾಲೇಜಿನಲ್ಲಿ ಮತದಾನ ಕೇಂದ್ರವನ್ನು ಸ್ಥಾಪಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಇದನ್ನೂ ಓದಿ: ಮ.ಪ್ರದೇಶ, ಛತ್ತೀಸ್‌ಗಢ ವಿಧಾನಸಭೆ ಚುನಾವಣೆ: ಇಂದು ಮತದಾನ..!
“ಸ್ಮಾರ್ಟ್ ಪೋಲಿಂಗ್ ಸ್ಟೇಷನ್ ಸರದಿಯಲ್ಲಿರಲು, ನಾವು ಆನ್‌ಲೈನ್ ಟೋಕನ್ ವ್ಯವಸ್ಥೆಯನ್ನು ಪರಿಚಯಿಸಿದ್ದೇವೆ. ಮತದಾನಕ್ಕೆ ಆಗಮಿಸುವ ಮತದಾರರಿಗೆ ಟೋಕನ್ ಸಂಖ್ಯೆಗಳನ್ನು ನೀಡಲಾಗುವುದು ಮತ್ತು ಅವರು ತಮ್ಮ ಸರದಿ ಬರುವವರೆಗೆ ಮತದಾನ ಕೇಂದ್ರದಲ್ಲಿ ಆರಾಮವಾಗಿ ಕುಳಿತುಕೊಳ್ಳಬಹುದು”. ಇದನ್ನೂ ನಾವು ಸರ್ಕಾರಿ ಸ್ವಾಮ್ಯದ ಇಂದೋರ್ ಸ್ಮಾರ್ಟ್ ಸಿಟಿ ಡೆವಲಪ್‌ಮೆಂಟ್ ಲಿಮಿಟೆಡ್ ಸಹಾಯದಿಂದ ಸ್ಥಾಪಿಸಿದ್ದೇವೆ ಎಂದು ಸಹಾಯಕ ಯೋಜನಾಧಿಕಾರಿ ರೂಪಲ್ ಚೋಪ್ರಾ ತಿಳಿಸಿದ್ದಾರೆ.
”ಮತಗಟ್ಟೆಯಲ್ಲಿ ಡಿಜಿಟಲ್ ಸೆಲ್ಫಿ ಪಾಯಿಂಟ್ ಕೂಡ ಅಭಿವೃದ್ಧಿಪಡಿಸಲಾಗಿದ್ದು, ಅಲ್ಲಿ ಎಐ ಕ್ಯಾಮೆರಾ ಅಳವಡಿಸಲಾಗಿದೆ. ಮತದಾನದ ನಂತರ ಈ ಸ್ಥಳದಲ್ಲಿ ನಿಂತು, ಶಾಯಿ ಇರುವ ತನ್ನ ಬೆರಳನ್ನು ಕ್ಯಾಮರಾ ತೋರಿಸಿದರೆ, ಸೆಲ್ಫಿ ಕ್ಲಿಕ್ಕಿಸುತ್ತದೆ ಎಂದು ಅವರು ಮಾಹಿತಿ ನೀಡಿದರು.
ಸೆಲ್ಫಿ ಪಾಯಿಂಟ್‌ನಲ್ಲಿ ಪರದೆಯ ಮೇಲೆ ಬಾರ್ ಕೋಡ್ ಕಾಣಿಸಿಕೊಳ್ಳುತ್ತದೆ ಮತ್ತು ಅದನ್ನು ಸ್ಕ್ಯಾನ್ ಮಾಡುವುದರಿಂದ ಫೋಟೋ ಮತದಾರರ ಮೊಬೈಲ್ ಫೋನ್‌ಗೆ ರವಾನೆಯಾಗುತ್ತದೆ, ನಂತರ ಅದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಬಹುದು ಎಂದು ಅಧಿಕಾರಿ ವಿವರಿಸಿದರು.
ಇದನ್ನೂ ಓದಿ: ಕೆಇಎ ಪರೀಕ್ಷೆ ಅಕ್ರಮ ಪ್ರಕರಣ: ಬೆಳಗಾವಿಗೂ ಹಬ್ಬಿದ ಆರ್.ಡಿ. ಪಾಟೀಲ್ ನಂಟು
ಇಂದೋರ್‌ನ (ನಗರ) ಐದು ವಿಧಾನಸಭಾ ಕ್ಷೇತ್ರಗಳಲ್ಲಿ ಶುಕ್ರವಾರ ಒಟ್ಟು 15.55 ಲಕ್ಷ ಜನರು ಮತ ಚಲಾಯಿಸಲು ಅರ್ಹರಾಗಿದ್ದಾರೆ. ಡಿಸೆಂಬರ್ 3 ರಂದು ವಿಧಾನಸಭಾ ಚುನಾವಣಾ ಫಲಿತಾಂಶ ಪ್ರಕಟವಾಗಲಿದೆ.
ಕನ್ನಡದಲ್ಲಿ ಮತ್ತಷ್ಟು ರಾಜಕೀಯ ಸುದ್ದಿಗಳನ್ನು ಓದಲು ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಾದ Twitter, Facebook , Youtube, Instagram ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
