ನವದೆಹಲಿ: ಜಿ20 ಶೃಂಗಭೆ ಯಶಸ್ವಿಯಾಗಿ ಪೂರ್ಣಗೊಳಿಸಿದ ಪ್ರಧಾನಿ ಮೋದಿಯವರನ್ನು ಅಭಿನಂದಿಸುವ ನಿರ್ಣಯವನ್ನು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಮಂಡಿಸಿದರು.
ಜಿ20 ಶೃಂಗಸಭೆಯ ಯಶಸ್ಸಿಗೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಅಭಿನಂದಿಸುವ ನಿರ್ಣಯವನ್ನು ಕೇಂದ್ರ ಸಚಿವ ಸಂಪುಟ ಅಂಗೀಕರಿಸಿದೆ ಎಂದು ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಅನುರಾಗ್ ಠಾಕೂರ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಭಾರತದಲ್ಲಿ 1.9 ಬಿಲಿಯನ್ ಡಾಲರ್ ಹೂಡಿಕೆಗೆ ಮುಂದಾದ ಟೆಸ್ಲಾ!
ಜಿ20ಯ ಯಶಸ್ಸು ಮತ್ತು ಕಾರ್ಯಕ್ರಮದ ವ್ಯವಸ್ಥೆಗಳು ಪ್ರಧಾನಿಯವರ ಇಚ್ಛೆ ಮತ್ತು ನಾಯಕತ್ವದ ಪ್ರತಿಬಿಂಬವಾಗಿದೆ ಹಾಗೆಯೇ ಇಡೀ ಜಗತ್ತು ಅದರ ಬಗ್ಗೆ ಚರ್ಚಿಸುತ್ತಿದೆ ಎಂದು ಠಾಕೂರ್ ಹೇಳಿದ್ದಾರೆ.
‘ನವದೆಹಲಿ ಘೋಷಣೆಯ ಶೇ.100ರಷ್ಟು ಒಪ್ಪಿಗೆಯು ಭಾರತದ ಬೆಳೆಯುತ್ತಿರುವ ರಾಜತಾಂತ್ರಿಕ ಶಕ್ತಿಯನ್ನು ತೋರಿಸುತ್ತದೆ. ಇಂದು ಜಾಗತಿಕ ಕಾರ್ಯಸೂಚಿ-ಸೆಟ್ಟಿಂಗ್‌ನಲ್ಲಿ ಭಾರತವು ಪ್ರಮುಖ ಪಾತ್ರವನ್ನು ವಹಿಸುತ್ತದೆ ಮತ್ತು ಜಿ20 ಅನ್ನು ಹೆಚ್ಚು ಅಂತರ್ಗತ ವೇದಿಕೆಯನ್ನಾಗಿ ಮಾಡಲು ಭಾರತ ಶ್ರಮಿಸಿದ ದೇಶದ ನಾಯಕತ್ವಕ್ಕೆ ಇದು ಸಲ್ಲುತ್ತದೆ ಎಂದಿದ್ದಾರೆ.
ಇದನ್ನೂ ಓದಿ: Nitin Gadkari : ಕಾರುಗಳಿಗೆ 6 ಏರ್ ಬ್ಯಾಗ್ ಕಡ್ಡಾಯವಲ್ಲ; ಉಲ್ಟಾ ಹೊಡೆದ ನಿತಿನ್ ಗಡ್ಕರಿ!
ಭಾರತವು ಜಾಗತಿಕ ದಕ್ಷಿಣದ ಧ್ವನಿ ಎಂಬುದನ್ನು ಜಿ20 ಶೃಂಗಸಭೆಯು ಮತ್ತೊಮ್ಮೆ ಸಾಬೀತುಪಡಿಸಿದೆ. ಭಾರತದಿಂದ ಅರಬ್ ರಾಷ್ಟ್ರಗಳ ಮೂಲಕ ಯುರೋಪಿನವರೆಗೆ ವಿಸ್ತರಿಸಿರುವ ಆರ್ಥಿಕ ಕಾರಿಡಾರ್ ಮತ್ತೊಂದು ಯಶಸ್ಸಾಗಿದೆ, ಇದು ಜಿ 20 ನ ಭಾಗವಾಗಿದೆ ಮತ್ತು ಜಾಗತಿಕವಾಗಿ ಸ್ವಾಗತಿಸಲ್ಪಟ್ಟಿದೆ ಎಂದು ಜಿ20 ಸಭೆ ವೇಳೆ ನಡೆದ ಒಪ್ಪಂದಗಳ ವಿವರಿಸಿದ್ದಾರೆ.
ಕನ್ನಡದಲ್ಲಿ ಮತ್ತಷ್ಟು ರಾಜಕೀಯ ಸುದ್ದಿಗಳನ್ನು ಓದಲು ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಾದ Twitter, Facebook , Youtube, Instagram ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
