ನವದೆಹಲಿ: ‘ಇಂಡಿಯಾ’ ಹೆಸರನ್ನು ‘ಭಾರತ್’ ಎಂದು ಬದಲಾಯಿಸುವ ಕುರಿತು ಭಾರೀ ಚರ್ಚೆ ನಡೆಯುತ್ತಿರುವ ನಡುವೆ ವಿಶ್ವಸಂಸ್ಥೆ ವಕ್ತಾರರು ಈ ಕುರಿತು ಪ್ರತಿಕ್ರಿಯಿಸಿದ್ದು, ‘ಇಂಡಿಯಾ ಹೆಸರು ಮರುನಾಮಕರಣಕ್ಕೆ ಮನವಿ ಬಂದರೆ ಪರಿಗಣಿಸುತ್ತೇವೆ. ಭಾರತ ತನ್ನ ಹೆಸರು ಬದಲಾವಣೆಯ ಪ್ರಕ್ರಿಯೆ ಪೂರ್ಣಗೊಳಿಸಿದಾಗ ವಿಶ್ವಸಂಸ್ಥೆ ತನ್ನ ದಾಖಲೆಗಳಲ್ಲಿಯೂ ಹೆಸರು ಬದಲಿಸಲಿದೆ’ ಎಂದಿದ್ದಾರೆ.
ಜಿ-20 ಶೃಂಗಸಭೆ ಹಿನ್ನೆಲೆ ದೆಹಲಿಗೆ ಆಗಮಿಸಿರುವ ವಿಶ್ವಸಂಸ್ಥೆಯ ಮುಖ್ಯ ವಕ್ತಾರ ಸ್ಟೀಫನ್ ಡುಜಾರಿಕ್ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ್ದಾರೆ. ಯುಎನ್ ದಾಖಲೆಗಳಲ್ಲಿ ಇಂಡಿಯಾದ ಹೆಸರನ್ನು ಭಾರತ್ ಎಂದು ಬದಲಾಯಿಸಲು ಅಡ್ಡಿಯಿಲ್ಲ, ಆದರೆ ಇಂಡಿಯಾ ತನ್ನ ಹೆಸರನ್ನು ‘ಭಾರತ್’ ಎಂದು ಬದಲಾಯಿಸುವ ಪ್ರಕ್ರಿಯೆ ಪೂರ್ಣಗೊಳಿಸಿ ನಮಗೆ ಮಾಹಿತಿ ನೀಡುತ್ತದೆ, ಇದಾದ ಬಳಿಕ ನಾವು ದಾಖಲೆಗಳಲ್ಲಿ ಭಾರತ್ ಎಂದು ಬದಲಿಸುತ್ತೇವೆ ಎಂದಿದ್ದಾರೆ.
ಇದನ್ನೂ ಓದಿ: ರಾಜ್ಯದ ಬ್ಯಾಂಕುಗಳಲ್ಲಿ ಕನ್ನಡ ಕಡ್ಡಾಯ; ಸರ್ಕಾರದಿಂದ ಶೀಘ್ರ ಅಧಿಸೂಚನೆ!
ಈ ರೀತಿ ಹಲವು ರಾಷ್ಟ್ರಗಳು ತಮ್ಮ ಹೆಸರು ಬದಲಿಸಿವೆ. ರಾಜಕೀಯ, ಸಾಮಾಜಿಕ ಅಥವಾ ಇತರ ಕಾರಣಗಳಿಂದಾಗಿ ತಮ್ಮ ಹೆಸರನ್ನು ಬದಲಾಯಿಸಿದ ದೇಶಗಳ ದೊಡ್ಡ ಪಟ್ಟಿ ಇದೆ. ಒಂದು ವೇಳೆ ಹೆಸರು ಬದಲಾವಣೆ ಅಧಿಕೃತವಾದರೆ ಈ ಸಾಲಿಗೆ ಭಾರತ ಕೂಡ ಸೇರಿಕೊಳ್ಳಲಿದೆ.
ಕಳೆದ ವರ್ಷ ಟರ್ಕಿ (Turkey) ತನ್ನ ಹೆಸರನ್ನು ಟರ್ಕಿಯೆ (Turkiye) ಎಂದು ಬದಲಾಯಿಸಿದ ಉದಾಹರಣೆಯನ್ನು ಯುಎನ್ ಉನ್ನತ ಅಧಿಕಾರಿ ಉಲ್ಲೇಖಿಸಿದ್ದಾರೆ.
ಕನ್ನಡದಲ್ಲಿ ಮತ್ತಷ್ಟು ರಾಜಕೀಯ ಸುದ್ದಿಗಳನ್ನು ಓದಲು ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಾದ Twitter, Facebook , Youtube, Instagram ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
